الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 نش الحمام ( بقلم محمد احمد )

اذهب الى الأسفل 
كاتب الموضوعرسالة
salah elsisi
.::General Manger ::.
.::General Manger ::.


عدد المساهمات : 19
تاريخ التسجيل : 06/04/2014
العمر : 61

مُساهمةموضوع: نش الحمام ( بقلم محمد احمد )   الإثنين أبريل 07, 2014 9:46 am

السلام عليكم ورحمه الله وبركاته
موضوع اليوم هو النش وهو من اساس تربيه الحمام
اولا
هنجمع مجموعه زغاليل من 20 الى المقدره اللى تقدر عليه (يفضل من حد معروف فى النش عشان الزغلول يبقا جامد ان امكن )............
ثانيا
هتقسم الزغاليل فى مصاطب حسب كميه الزغاليل عشان النفس
تبتدى تاكل الزغاليل بميعاد سابت فى المصطبه كل يوم لمده لاتقل عن 3 ايام وكل متزيد افضل بحد اقصى اسبوع وتهتم بالفيتامينات والكلسيوم فى الفطره دى ...........
ثالثا
بعد فتره المصطبه هتبتدى لمده يومين فقط تفتح للزغاليل فى الارضيه قبل معاد الكلفه ب ساعه للتهويه والتمرين على النزول والطلوع اللى المصطبه
وفى نفس المعاد تحط الكلفه فى المصطبه
(ملحوظه )
(فى الايام ال3 اللى اكلتهم فى المصطبه يفضل بعمل صوت بالاكل يعنى تجيب علبه صغيره فضيه وتشخلل بيها عشان الزغلول يعرف يميز الصوت ده اول متعملو انى ده معاد الاكل هينفعك بعدين جدا وهنقول عليه فى بند اخر )
وفى اليومين دول هيكون الزغلول حفظ المصطبه
رابعا
تبتدى بعد زالك الاكل فى الارضيه لحفظ الارضيه ويكون الزغلول ابتدى يشيل جسمه بجناحه واهم حاجه فى نفس المعاد وبنفس صوت الشخلله بردو 3 ايام وانا زاد افضل بعد الكلفه مباشره تحبسهم فى المصطبه تانى مفيش زغلول فى الارضيه بعد الاكل وتيجى بعد حفظ الارضيه تبتدى تفتح الستاره ليهم ملحوظه لازم يكون الزغاليل جعانه جدا يعنى اليوم اللى هتفتح فيه يكون اليوم اللى قبلو كلفهم نصف كلفه فقط لضمان انك مجرد متشخلل الزغلول ينزل وهنا دى فيدت الشخلله لان من غير مهترمى كلفه هتلاقى اتماتك بالصوت ده الحمام بيحبس
خامسا
اول يوم بتفتح فى الستاره هتلاقى الزغلول قلقان بيطلع الضهر وينزل بسرعه (حزااااااااااااااااارى تخويف الحمام او اصدار اى شئ للتخويف حتى لو الصوت) كل اللى هتعملو مرقبه الزغاليل اول يوم متسبش الحمام اكتر من ربع اللى نص ساعه فقط اللى يطلع يطلع واللى مطلعش اوعى تطلعو بايدك حزاااااااااارى تمسكو بايدك وطلعو ارمى الكلفه وحبس وبعد الاكل على المصطبه عدل ده ازا هما مطلعوش لوحديهم هتلاقى معظمهم محبسين لوحدهم وغالبا ده الزغلول الناصح بوادر يعنى
سادسا
تانى يوم بتفتحلهم الستاره بدرى عن معاد الكلفه بساعه كمله وبردو تسبهم برحتهم خالص ويفضل تكون مش على العرق انزل على السطح ورقبهم فقط وفى نفس المعاد ترمى كلفتك مع صوت الشخلله وهاكزا لغايه مالحمام يبتدى يفك الريش (يندج ويكبر)
سابعا
عند فك اول ريشه هتبتدى الزغاليل تلاقى واحد يقوم ياخد لفه وينزل على الغيه سبهم خاااااااااااااااالص عليك تتفرج وتراقب فقط وعند تانى ريشه هتلاقيهم بردو بيقومو 2 .2 يقومو يلفو هنا تبتدى تركز اللى يبعد تبتدى تشخلل بالاكل (بتديهم امر بالنزول ) او تكش فيهم كشه وحده بس مش اكتر عشان الحمام ميركنش وعند فك الريشه التلته تبتدى بصمتك كغاوى وتصنيح حمامك هتفتحلهم قبل معاد الكلفه بساعه وتسبهم برحتهم نص ساعه وبعدين تكش فيهم جامد مره وحده فقط هتلاقى الحمام طاير كل فرد فى نحيه عادى وتبقا بره الغيه وتسيب اللى يحط يحط متهشوش تانى بعد نزول الحمام كله ترمى الكلفه وتحبس بعد الاكل فى المصطبه
ملحوظه الكلام ده العصارى فقط الزان العصر تكون محبس
ثامنان
بتوصل لمرحله فك الريشه الرابعه هتلاقى الحمام مجمع مع بعضو وبيلف فى سرب واحد وبردو اللى يحط يحط وديمه متبقاش واقف فى وش المحط بتاع الحمام (خلى حمامك ديما حزر وقلقان )
تاسعا
هتلاقى اللى بيحط الاول ده الزغلول اللى نفسو قصير تبتدى تاخرو متفتحلوش غير فى الاواخر وطبعا اكيد ده معاه كام واحد تانى هيبقو فى مصطبه وحده يطلعو مع بعض (دول التوانى ) هتفتح للاوله اللى نفسهم اطول وتكش فيهم مره وبعد الحطه ب 10 دقايق تكش فيهم تانى وتالت
لمده اسبوع على هزا الحال اول متلقيهم بيعلو وبينجمى متخلهمش يمشو بعيد عن المربع بتاعك اول متحس انهم هيسحبو تفتح للتانيه انتا اللى تتحكم فى الحمام مش العكس اول مهيبتدو يخدو على النيار هينزلو وهما بدورو تبتدى تشخلل بالكلفه هتلاقيهم حطو وحبسو كمان ومن هنا هيكونو حفظو النيار بتعهم ...........
عاشرا
هتبتدى بعد الريشه الخمسه مرحله الشوار (الرايه او العلم )بردو عصارى حزارى بعد كده
هتكش فى الحمام وتعلق الشوار على ظهر الغيه وتسيبهم وتراقب حمامك هتلاقيهم بينجمو فى مربعك ومش هيمشو لانك اختهم على النيار وربطهم فوق مربعك وهاكزا لغايه الريشه السبعه وهنا بانت الدكوره من النتى تبتدى تعزل النت من الداير بتاعك (دكوره النش لاتصلح لو حتى شافت نتايه هتشخور \وهتضرب منك )
الحادى عشر (هنا بصمتك الحقيقيه بقا الاساسيه )
هتبتدى تكش فى الحمام وتعلق الشوار (العلم) الحمام منجم بس سابت فى مربعك تبتدى بشوار اخر بلون تانى تحدد الاتجاه اللى مشين فيه يعنى مثال الحمام لو انتا عوزه يمشى شمالك تخليه جى عليك وتشور بالعلم الاخر فى وشو هتلاقيهم بيلفو اللى الاتجاه اللى جين منو وكزالك العكس هتلاقى منهم لما الحمام بيمشى بعض الدكور بتنزل لوحديها وتحدف نفسيها عليك على العرق ميطلعش معاهم تانى يوم وهنا وصلت لمرحله الجرد مع الاصدقاء اللى حواليك تبتدو نصب المجال (عصاااااااااااارى ) ومن هنا كلفتك بتتاخر يوم عن التانى للوصول للتماسى (المغرب) هتضرب حمام وهيضربلك حمام (لو عملت اللى بقول عليه ده كلو صعب يضربلك حمام) لانك جرت مع نفسك وشفت الحمام وزكائه قدامك
الثانى عشر
هنا مرحله فك الريشه التاسعه (العديله ) ومرحله تبويب الدكره وميشفوش جو الا بعد فك الريشه العشره والاخيره (الصمه ) وطبعا الكلفه فى الببان وهتكون وصلت للمغرارب قبل موسم النش (شهر يناير) هتفتح للحمام فى شهر 12 تحمى الحمام وحزارى تفتح الستاره هتفتحلهم الببان بس فى الارضيه وتكون مجهز بانيو الاستحمام الخاص بهم طحط فيهم 2 غطاه اكثومثرين 5 فى الميه دواء بشرى هيستحمو هما لوحديهم والموضوع ده تمون عمله اول متحبس فى البيبان وهما عليهم العديله وبعد الاستحمام بيومين تبتدى تفتحلهم الستاره وسبهم نهائى متكشش فيهم لانهم مكتفين كتفهم واقف سبهم هما هيقومو وحده وحده لوحديهم
الثالث عشر
تبتدى بعد كده تكش فيهم برحتك وتكون مرتب اولتك وتفتح قبل المغرب ب نص ساعه فقط الحمام يدور كويس وتقفل وتكلف فى البيبان ومتجريش حمام ومتعلقش الشوار نهائى فى المرحله دى
اسبوع وتبتدى تفتح قبل المغرب ب 5 دقايق مرحله التكحيل (الحمام يطير بالليل)
الرابع عشر
عندك 15 يوم لتكحيل فرد الحمام قبل ادان المغرب ب 5 دقايق تفتحلهم وتعلق شوارك فقط وتسبهم فو دماغك بس لاغايه مال الدونيا تقفل كل يوم تاخرلهم 5 دقايق لغايه متوصل انهم تغتحلهم العشاء يطيرو ويكون شيفين كويس كمان هنا بقا انتا وصلت للتماسى ده عشان لو اتزنقلك فرد بره يجى فى الضلمه الدونيا لو قفلت عليه يعرف يجى ميضربش
ومن هنا تبتدى تخوض معركتك
ملحوظه
حمام النش المفضل الغزار بجميع انواعه _ الاستراليااااات _الاكشاك _ الشوامات
وهبقا اقول على ميزه كل نوع فى بست اخر ومميزاته فى النش
يارب يكون الموضوع عجبكم ومكنش نسيت حاجه
واللى شايف انى ناسى حاجه ياريت يقول احنا بنتعلم من بعض
والسلام عليكم ورحمه الله وبركاته
اخوكم
محمد احمد Laughing Laughing 
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نش الحمام ( بقلم محمد احمد )
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: عالم الحمام :: النش الصباحى والمسائى-
انتقل الى: